Bayden ABŞ xalqına müraciət edəcək - Onun nə danışacağı aydındır

Bu gün ABŞ prezidenti Co Bayden Ağ Evin Oval kabinetindən xalqa müraciət edəcək.

Bizim.Media xarici mətbuata istinadən xəbər verir ki, Amerika liderləri bu cür müraciətləri yalnız fövqəladə hallarla əlaqədar edirlər. 

2003-cü ildə o vaxtkı prezident Corc Buş həmvətənlərinə müraciət edərək, ABŞ-ın İraqa hücumu barədə məlumat verib. 2015-ci ildə Barak Obama San Bernardino şəhərində 14 nəfərin ölümü, 24 nəfərin ağır yaralanması ilə nəticələnən islamçıların kütləvi qırğınından danışıb. 2020-ci ilin mart ayında Donald Tramp koronavirus pandemiyası ilə mübarizə tədbirlərini açıqlayıb.

Bayden nə deyəcək?

Onun nə danışacağı tamamilə aydındır. İsrail səfərindən qayıdan prezident çıxışını həm bu ölkəyə, həm də Ukraynaya həsr edəcək. 

Ağ Evin sözçüsü Karin Jean-Pierr mövzu ilə bağlı bunları deyib: “Prezident Bayden HƏMAS-ın İsrailə qarşı terror hücumuna və Rusiyanın Ukraynaya qarşı vəhşi müharibəsinə cavabımızı müzakirə etmək üçün xalqa müraciət edəcək”.

Bayden Konqresdən İsrail və Ukraynaya 100 milyard dollarlıq nəhəng yardım paketini təsdiq etməyi xahiş etmək niyyətindədir. Təsdiqlənsə, bu, son illərdə ən böyük xarici yardım paketi olacaq. O, həmçinin Çin təcavüzünə qarşı Tayvanı dəstəkləmək üçün maliyyə dəstəyinin də daxil edilməsi mümkündür.
Məişət problemləri də diqqətdən kənarda qalmayacaq. Bu məbləğin bir hissəsi Amerikanın cənub sərhədini gücləndirmək və minlərlə qeyri-qanuni miqrantın Meksikadan ölkəyə daxil olmasının qarşısını almaq üçün nəzərdə tutulub.

Baydenin köməkçiləri məxfi söhbətlərdə etiraf ediblər ki, bu paketi "sona çatdırmaq" heç də asan olmayacaq. Onun məzmunu konqresmenlərlə danışıqların gedişindən asılı olaraq dəyişə bilər. Bundan əvvəl Ağ Ev Ukraynaya 20,4 milyard dollar yardım istəyib, lakin Konqres bu məbləğin buraxılmasına mane olub.

Bizim.Media