Ancelinadan yeni İTTİHAM: “Bred uşaqlarının qəyyumluğu məsələsində hakimə rüşvət verib”

Hollivudun keçmiş “ər-arvadı” Ancelina Coli ilə Bred Pittin arasında münaqişə bitmək bilmir ki, bilmir. 

Bizim.Media “The Post” nəşrinə istinadən xəbər verir ki, ötən gün Coli Pittə qarşı yeni ittihamla çıxış edib. 

Aktrisa əmindir ki, onların boşanma prosesində hakim daha çox Pittin uşaqların qəyyumluğu məsələsində (sonda onun narazı qaldığı yeganə məsələ idi – red.) ona rüşvət verdiyi üçün onun tərəfində olub. Məsələ burasındadır ki, aktyorların məhkəməsi zamanı Los-Ancelesdən olan Con Uderkirk adlı hakim uşaqlara atalarının məişət zorakılığı barədə danışmağa icazə verməyib.
Ancelina, ona yaxın mənbənin dediyinə görə, son dərəcə qəzəblidir və Kaliforniyada bütün məhkəmə işçilərinin uşaq istismarı ilə bağlı təlim keçməsini tələb edən qanunun qəbulunu tələb edir. 

“Colinin bunun üçün şəxsi səbəbləri var. Aktrisanın bu xüsusi məsələni öz üzərinə götürməsi təəccüblü deyil. Bütün ailə bu illər ərzində çox əziyyət çəkdi”, – deyə nəşr insayderdən sitat gətirib. 

Aydındır ki, Uderkirk Bred və komandası ilə “gizli maliyyə əlaqələri”nə görə, işindən uzaqlaşdırılıb.

Yeri gəlmişkən, aktyorun nümayəndələri iddia edirlər ki, Coli sadəcə öz imza üslubunda hərəkət edir və həqiqəti təhrif edərək adi taktikalardan istifadə edir. Yeri gəlmişkən, bu, Bred və Ancelinanın sülhə gedən çətin yolunda yaranan ilk anlaşılmazlıq deyil. Bir müddət əvvəl keçmiş həyat yoldaşları Colinin 15 yaşlı qızının işə getməsinə icazə verib-vermədiyinə görə mübahisə etmişdilər. 


Rəşad Əliyev, Bizim.Media