2010-cu ildə Azərbaycanı “Drip-drop” mahnısı ilə “Avroviziya” beynəlxalq mahnı müsabiqəsində təmsil edən müğənni Safura Əlizadə ailəsi ilə bağlı paylaşımı ilə diqqətləri üzərinə cəmləyib.
Bizim.Media xəbər verir ki, İstanbulda yaşayan sənətçi həyat yoldaşı, iş adamı Fərhad Əliyev, qızı Ayşə və oğlu İsgəndərlə bərabər alış-verişə yollanıb.
Ticarət mərkəzlərinin birinə gedən cütlük lüks butiklərdən özlərinə bahalı payız geyimləri alıblar. Alış-verişdən sonra isə onlar ailəlikcə restoranların birində yemək yeyiblər. Safura isə həmin anları çəkərək, sosial şəbəkə hesabında izləyiciləri ilə bölüşüb.
Qeyd edək ki, Safura və Fərhad cütlüyünün Ayşə, İsgəndərdən başqa Natiq adında daha bir övladı var. Müğənninin əri mərhum və sabiq sənaye və energetika naziri Natiq Əliyevin oğludur.
Rəşad Əliyev, Bizim.Media
