Dünya şöhrətli Britaniyalı pop ulduz Adel məşhur dizayner, "AFFFAIR" markasının təsisçisi Rüfət İsmayılla iş birliyə imza atıb.
Bizim.Media xəbər verir ki, sənətçi Las-Veqasda düzənlənən gecədə sözügedən brendin xüsusi olaraq onun üçün ərsəyə gələn libası geyinib.
İpək çiçəklərlə hazırlanmış qara rəngli məxməri zərif əlbisədə Adel səhnədə bərq vurub. Gecədən çəkilmiş fotoları pop ulduz sosial şəbəkə hesabında izləyiciləri ilə bölüşüb.
Qeyd edək ki, Rüfət İsmayılın biri-birindən əsrarəngiz kolleksiyaları Milan, İtaliya, Nyu-York, Dubay, Türkiyə və İran moda həftələri kimi möhtəşəm tədbirlərdə nümayiş etdirilən ilk və yeganə Azərbaycan və Türkiyə dizayneridir. Modelyer Türkiyə Moda Dizaynerləri Assosiasiyası tərəfindən “Türkiyənin ən yaxşı dizayneri-2018” mükafatına layiq görülüb.
Rəşad Əliyev, Bizim.Media
