Lənkəranda illər əvvəl övladlığa verilən qızın bioloji ana tərəfindən qaçırıldığı iddia olunur.
DİN-in Mətbuat Xidmətinin Lənkəran regional qrupunun baş inspektoru, polis kapitanı Məhəmməd Rzayev Bizim.Media-ya açıqlamasında bildirib ki, azyaşlının qaçırılması ilə bağlı yayılan iddialar araşdırılıb:
MÖVZU İLƏ BAĞLI:
Lənkəranda OLAY: Övladlığa verilən 15 yaşlı qız QAÇIRILDI
“Tərəflər Lənkəran Şəhər Rayon Polis Şöbəsinə dəvət olunaraq dinlənilib.
Azyaşlı Yetkinlik Yaşına Çatmayanların İşləri və Onların Hüquqlarının Müdafiəsi Komissiyasının əməkdaşları və psixoloqun iştirakı ilə verdiyi izahatda könüllü şəkildə bioloji anasının yanına getdiyini, onu övladlığa götürən Təhminə Əliyevanın yanına qayıtmaq istəmədiyini bildirib. Araşdırmalarla əməldə kriminal tərkibin olmadığı müəyyən olunub. Toplanmış material baxılması üçün aidiyyəti üzrə Yetkinlik Yaşına Çatmayanların İşləri və Onların Hüquqlarının Müdafiəsi Komissiyasına göndərilib”.
Alçina Amilqızı, Bizim.Media
