Bu gün Misli Premyer Liqasında 5-ci tura start verilib.
Bizim.Media xəbər verir ki, ilk oyun günündə 1 görüş keçirilib.
"Sabah" doğma meydanda "Turan Tovuz"u qəbul edib. Mövsümə uğursuz start verən "Sabah" öz meydanında 3 cavabsız qolla "Turan Tovuz"a uduzub.
Bu qələbə ilə xallarını 9-a çatdıran "Turan Tovuz" 2-ci pilləyə yüksəlib.
Qeyd edək ki, turun digər matçları 2 və 3 sentyabr tarixlərində oynanılacaq.
1 sentyabr (cümə) 19:00.
“Sabah” – “Turan Tovuz” - 0:3
Qollar: Roderik Miller, 19, Şəhriyar Əliyev, 55, Belajdi Pusi, 78 Hakimlər: Rauf Cabarov, Namiq Hüseynov, Cavanşir Yusifov, Rövşən Rəcəbov
“Bank Respublika Arena”
Rəşad Rafiqoğlu, Bizim.Media
