Qəbələdə yanğının genişlənməsinin qarşısı alınıb. Meşəlik və dağətəyi ərazidə yanğının söndürülməsinə helokopter cəlb edilib.
Bizim.Media-nın yerli bürosu xəbər verir ki, yanğın Solquca bələdiyyəsinə aid meşəlik ərazidən başlayıb və sonradan dağətəyi sahəyə yayılıb.
Hazırda ərazidə yanğının söndürülməsi istiqamətində zəruri və təxirəsalınmaz tədbirlər həyata keçirilir. Ekologiya bə Təbii sərvətlər nazirliyinin yerli bölmələri eləcə də sakinlərin köməyi ilə ərazi əhatəyə alınıb. Həmçinin yanğının geniş əraziyə yayılmasının qarşısının alınması məqsədilə FHN-in Aviasiya dəstəsinin helikopteri yanğınsöndürmə işlərinə cəlb olunub.
Verilən son məlumata əsasən yanğın tam nəzarətdədir. Lokallaşdırılması istiqamətində iş aparılır.
Tural Rasim oğlu, Bizim.Media, Şimal-Qərb bürosu.
