Rusiya Krım yarımadasına pilotsuz uçuş aparatları (PUA) ilə hücum edildiyini bildirib.
Bizim.Media xəbər verir ki, bu barədə Rusiya Müdafiə Nazirliyi məlumat yayıb.
Bildirilib ki, Krım yarımadasına hücum edən 20 PUA zərərsizləşdirilib. Rusiya hücuma görə Ukraynanı ittiham edib. Rəsmi Kiyev hücum barədə heç bir açıqlama verməyib.
Nazirlik "Telegram" mesajlaşma proqramında yazıb ki, hücum cəhdi nəticəsində heç bir itki və dağıntı yoxdur. Bildirilib ki, 14 dron hava hücumundan müdafiə sistemləri tərəfindən məhv edilib, altısı isə radioelektron mübarizə vasitələri ilə sıradan çıxarılıb.
Yarımadanı Rusiyanın Krasnodar bölgəsi ilə birləşdirən Krım körpüsündə hərəkət təxminən iki saat dayandırılıb.
Bizim.Media
