“Cüdo ilə məşğul olduğum üçün heç vaxt peşman olmamışam”.
Bizim.Media xəbər verir ki, bunu iki gün əvvəl karyerasını başa vurduğunu elan edən Azərbaycan cüdoçusu Rüstəm Orucov Avropa Cüdo Birliyinin rəsmi saytına açıqlamasında deyib.
Rio-2016 Yay Olimpiya Oyunlarının gümüş mükafatçısı olan 32 yaşlı idmançı cüdonun insan həyatına müsbət təsirindən bəhs edib:
“Cüdo insana doğru yolu göstərir. Bu idman növü mənə çox şey öyrətdi – yaxşı davranmağı, başqalarına hörmət etməyi. İndi gələcək nəsil ilk növbədə pis vərdişlərdən uzaq olmalı, yüksək nəticə əldə etməyi qarşısına məqsəd qoymalı və son ana qədər mübarizə aparmalıdır. Mən podiuma qalxdığım anı həmişə xatırlayacağam”.
Karyerası ərzində iki dəfə dünya ikincisi olan, 2016-cı ildə isə Avropa çempionluğu titulunu qazanan Rüstəm Orucov, eyni zamanda, 16 dəfə “Böyük Dəbilqə”, 12 dəfə isə qran-pri yarışlarında mükafatçılar sırasına düşüb.
Rəşad Rafiqoğlu, Bizim.Media
- A-
- A
- A+
İdman
15:13 / 10.08.2023
Rüstəm Orucov: “Cüdo mənə hər şeyi öyrətdi”
Hazırda oxunan: Rüstəm Orucov: “Cüdo mənə hər şeyi öyrətdi”
Hazırda oxunan: Rüstəm Orucov: “Cüdo mənə hər şeyi öyrətdi”
150267
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
