Almaniyada yeni qanun qüvvəyə MİNDİ- İşəgötürülmə ASANLAŞDI

Almaniyada işləmək istəyənlərin gözlədiyi tarix açıqlanıb. Belə ki, ölkə xaricindən ixtisaslı işçilərin işə götürülməsini asanlaşdıran yeni qanunun 2024-cü il martın 1-dən qüvvəyə minəcəyi gözlənilir. Ölkəyə gələnlərə Opportunity Card (Chancenkarte) adlı yeni vizanın verilməsi nəzərdə tutulur.

Bizim.Media xarici mətbuata istinadən xəbər verir ki, bu barədə Almaniya Daxili İşlər Nazirliyindən bildirilib. Qeyd olunub ki, qanun Almaniyaya ixtisaslı işçi vizası ilə gələn şəxslərə şamil ediləcək.

Xatırladaq ki, Almaniya Parlamenti iyunun 23-də ölkədə işləmək istəyən qaçqınlara və gələnlərə yeni iş imkanları təklif edən ixtisaslı əmək vizası qanununun islahatını təsdiqləyib.

Qanuna görə alman dili bilikləri üçün minimum tələb səviyyəsi A2-dən A1-ə endiriləcək.

Bizim.Media