Aparıcı Sevinc Telmanqızı TV Müsavat-ın canlı efirində fövqəladə hallar naziri Kəmaləddin Heydərovun bəstələdiyi mahnının ermənilər tərəfindən oğurlanmasından danışıb.
Bizim.Media xəbər verir ki, general-polkovnik Kəmaləddin Heydərov manset.az-a açıqlamasında mövzuya münasibət bildirib.
Onun sözlərinə görə, ermənilərin oğurladığı tək mahnı deyil:
“Hər şeyi oğurlayırlar. Bununla bağlı heç bir hüququ addım atmayacağam. Onlar kimdir ki, biz onlara baş qoşaq”.
Qeyd edək ki, Aygün Kazımovanın ifa etdiyi "Səndən nigaranam" mahnısı erməni müğənni Tiqran Asatryan tərəfindən oğurlanıb və "Andzrev" adı ilə Youtube kanalında yerləşdirilib. Mahnının sözləri Baba Vəziroğluya, musiqisi isə Kəmaləddin Heydərova məxsusdur.
Yeri gəlmişkən, 2006-cı ildə Aygün Kazımova mahnıya yeni nəfəs verərək, remiks versiyasını Türkiyədə keçirilən "The Best Model Of The World" dünya gözəllik müsabiqəsində dinləyicilərə təqdim edib.
Bizim.Media
