“Bu yaxınlarda biz öz nəqliyyat imkanlarımızı hüdudlarımızın kənarına da çıxara bildik. Hərəsi 115 min tonluq üç böyük tanker alınıb. Bu, Azərbaycan tarixində ilk dəfədir. Tankerlərə “Şuşa”, “Qarabağ” və “Zəngəzur” adları verilib.
Bizim.Media xəbər verir ki, bunu Prezident İlham Əliyev 2023-cü ilin 6 ayının sosial-iqtisadi yekunlarına həsr olunmuş müşavirədə deyib.
MÖVZU İLƏ BAĞLI:
Prezidentin sədrliyi ilə müşavirə KEÇİRİLDİ - FOTO
“Azərbaycan mallarının Azərbaycan şirkəti tərəfindən daşınması bizə əlavə gəlir gətirəcək və biz artıq Qara dənizdə də varıq.
Biz onsuz da var idik. Bizim kiçik həcmli gəmilərimiz var idi. Amma bu gün bizim “Aframax” tipli ən böyük tankerlərimizdən üçü artıq Qara dənizdə işləyir. Lazım olarsa, onların sayını biz artıra bilərik”, – deyə dövlət başçısı bildirib.
Bizim.Media
