1985-ci il 10 iyul səhəri dünya dəhşətli bir xəbərlə oyandı. Yeni Zelandiya sahillərində ətraf mühitin mühafizəsi ilə məşğul olan “Göy qurşağı döyüşçüsü” beynəlxalq qeyri-hökumət təşkilatının nümayəndələrini daşıyan “Greenpeace” gəmisi bombardıman edilib. Hadisənin ən dəhşətli məqamı isə gəminin nüvə silahı ilə vurulması idi.
“Greenpeace” gəmisi nüvə başlıqlı raketlə vurulubmuş...
Gəmi heyətinin sağ qalan üzvləri xatirələrində danışırlar ki, gəmi Yeni Zelandiyanın Oklend limanında lövbər salıbmış:
“Güclə zərbə oldu. Zərbədən gəmi müvazinətini itirdi. Hamı tələsə-tələsə gəmini tərk etməyə başladı. Bu zaman ikinci zərbə oldu.Bu zərbə güclü partlayışla nəticələndi.Bu partlayışdan dəqiqələr sonra gəmi sulara qərq oldu”.
Partlayışdan həmən sonra Yeni Zelandiya xüsusi xidmət orqanları partlayışın səbəbinin araşdırmağa başlayıb. Bəlli olub ki, gəmi qəsdən və iki raketlə vurulub. Raketlərsə Fransa ordusuna məxsus hərbi gəmidən atılıb.
MÖVZU İLƏ BAĞLI:
Dərviş Parisi, Makron isə bütün Avropanı PARTLATDI...
Fransa adi QHT gəmisini niyə vurdu?
Sonrakı illərdə aparılan istintaq və müstəqil təhqiqatlar nəticəsində çox maraqlı faktlar üzə çıxıb. Bəlli olub ki, “Greenpeace”-ni Fransanın xüsusi xidmət orqanlarının hazırladığı əməlliyyat nəticəsində vurulub. Gəminin vurulması məsələsi o zamankı Fransa dövlətinin ali rəhbəri ilə razılaşdırılıbmış. Bu siyasi qərarın verilməsininsə tək səbəbi Fransanın bəşəriyyət əleyhinə apardığı qorxunc fəaliyyətin ifşa olunması idi.
Məlum olduğu kimi ötən əsrin 80-ci illərinin əvvəllərində Fransa Yeni Zellandiya sahillərində davamlı olaraq nüvə silahlarının sınağını aprırdı. Fransanın anti-humansit hərəkəti bütün sivilizasiyanı ayağa qaldırmışdı. Fransaya “dur” deyən Beynəlxalq təşkilatlardan biri də “Göy qurşağı döyüşçüsü” beynəlxalq qeyri-hökumət təşkilatı idi.
Ətraf mühitin mühafizəsi ilə məşğul olan QHT Fransanın hərbi sınaqlar keçirdiyi ərazilərə səfərlər təşkil edir, əldə etdikləri informasiyaları dünya ictimaiyyətinə çatdırırdı. Təbii ki, bu da Fransa dövlətini heç də məmnun edə bilməzdi. Ona görə də “Göy qurşağı döyüşçüsü” lərinin məhvi barədə Yelisey Sarayı rəsmi göstəriş verib.
“Şeytan” əməliyyatı
Əməliyyata şərti olaraq “Şeytan” adı verilib. Lakin əməliyyat bir qədər tələsik və qeyri-peşəkarcasına həyata keçirilib. Beləki, gəmi açıq dənizdə deyil limanda olarkən vurulub. Və bəlkədə bunun nəticəsi idi ki, insan faciəsinin miqyası çox da böyük olmadı. Amma bütün hallarda dinc insanlara hücum edilməsi və onların gəmilərinin nüvə silahı ilə vurulması sivilizasiya üçün bir təhqir və alçaqcasına həyata keçirilmiş terror hadisəsi idi.
Bəs, əməliyyat necə həyata keçirilib?
Araşdırmalarımız nəticəsində məlum olub ki, Fransa kəşfiyyat orqanlarının ilk işi onların agentinin “Greenpeace” gəmisinə sızması olub. Agent isə ilk baxışdan çox da diqqət cəlb etməyən bir qadın olub. Fransa xüsusi xidmət orqanlarında təlim keçmiş qadın gəmiyə aşpaz adı ilə işə düzəlir. İşə düzələn qadın “Göy qurşağı döyüşçüsü” beynəlxalq qeyri-hökumət təşkilatının hər addımı barədə Parisə məlumat ötürürdü.
“Şeytan” hərbi əməliyyatına isə Fransız məxfi agentlər mayor Alen Mafar və kapitan Dominik Prieur rəhbərlik edib. Ümumilkdə isə əməliyyat qrupuna 11 hərbçi daxil idi.
Fransadan rəsmi üzrxahlıq
1985-ci ilin 10 iyulunda baş vermiş terror hadisəsi o zaman bütün dünyanı ayağa qaldırdı. Hətta BMT-nin xüsusi komissiyası bu işin təhqiqatını apardı. Nəticədə Fransa dövlətinin insanlığa sığmayan hərəkətə bütün sivilizasiyaya bəlli oldu.
Nəticədə rəsmi Paris törədilmiş terrora görə beynəlxalq aləmdən, Yeni Zellandiya hökümətindən, “Göy qurşağı döyüşçüsü” beynəlxalq qeyri-hökumət təşkilatının nümayəndələrindən və həlak olanların ailə üzvlərindən üzr istədi. Eyni zamanda Yeni Zellandiya hökümətinə, QHT, gəmi sahibi olan şirkətə və həlak olmuşların ailəsinə kompensasiya ödənildi. Bununla paralel “Şeytan” əməliyyatının əsas icraçıları Alen Mafar və Dominik Prieur Yeni Zellandiya höküməti tərəfindən həbs edildi.
Mitteran niyə vədinə əməl etmədi?
Mətbuat təxribatdan xəbər tutanda böyük beynəlxalq qalmaqal yarandı. Parisdə və Avropanın bir çox böyük şəhərlərində etiraz aksiyaları keçirildi. Fransa prezidenti Fransua Mitteran bildirdi, “Greenpeace” gəmisində törədilən partlayışda günahı olan hər kəs cəzalandılacaq.
Lakin bu vədinə əməl etmədi. Çünki, bu əməliyyatdan onun biləvasitə xəbəri olmuşdu. Araşdırmaçılar qeyd edir ki, terror hadisəsindən qabaq Fransanın müdafiə naziri Çarlz Hernun vəziyyəti Fransa prezidentinə məruzə edibmiş. Mitteransa hazırlanan terrora şifahi razılıq verib.
Terrorçuları Fransa dövləti necə mükafatlandırdı?
Aparılan istintaqın nəticəsində Dominik Prieur və Alain Mafar Yeni Zelandiyada 10 il həbs cəzası aldılar. Lakin onlar həbsxanada cəmi 1,5 il vaxt keçirdilər. Azadlığa çıxan kimi hər iki hərbçiyə dərhal polkovnik rütbəsi verildi. Təkcə bu fakt onu sübut edir ki, “Göy qurşağı döyüşçüsü” nə qarşı hazırlanmış əməliyyatdan Fransa prezidentinə qədər bir çoxlarını xəbəri və iştirakı olub.
Surxay Atakişiyev, Bizim.Media
