Azərbaycan Mərkəzi Bankı (AMB) ilə Avropa Yenidənqurma və İnkişaf Bankı (EBRD) arasında, qurumun 2023-2027-ci illər üçün Azərbaycanın maliyyə sektoru üzrə strategiyasının həyata keçirilməsi üzrə əməkdaşlıq imkanları müzakirə edilib.
Bizim.Media xəbər verir ki, bu barədə AMB-nin sədri Taleh Kazımov özünün “Twitter” hesabında məlumat verib.
"EBRD-nin Şərqi Avropa və Qafqaz regionu üzrə icraçı direktoru Matteo Patronenin rəhbərlik etdiyi nümayəndə heyəti ilə görüş keçirdik.
Görüşdə EBRD-nin Qafqaz üzrə yeni regional direktoru təyin olunmuş Alkis Vrienios Drakinos və Azərbaycan üzrə Ofisinin rəhbəri Nataly Muravidze təqdim edildi, EBRD-nin Azərbaycandakı fəaliyyəti, o cümlədən bank sektorunda iştirakı, 2023-2027-ci illər üçün Azərbaycanın maliyyə sektoru üzrə strategiyasının həyata keçirilməsində əməkdaşlıq imkanları barədə fikir mübadiləsi apardıq.
Eyni zamanda əməkdaşlığımızın cari vəziyyətini və perspektivlərini müzakirə etdik", - deyə T. Kazımov qeyd edib.
Bizim.Media
- A-
- A
- A+
İqtisadiyyat
02:43 / 05.07.2023
Azərbaycan və EBRD maliyyə sektoru üzrə strategiyanı müzakirə edib
Hazırda oxunan: Azərbaycan və EBRD maliyyə sektoru üzrə strategiyanı müzakirə edib
Hazırda oxunan: Azərbaycan və EBRD maliyyə sektoru üzrə strategiyanı müzakirə edib
144585
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
