Xəbər verdiyimiz kimi, aprelin 29-da Sumqayıtda Hacı Zeynalabdin Tağıyev qəsəbəsində yerləşən 19 nömrəli məktəbin idman zalında 7 yaşlı Fərid Bakarovun idman məşqçisi Mehman Xəlilov tərəfindən kobud davranış nəticəsində ölməsi ilə bağlı görüntülər yayılıb.
Bizim.Media azxeber.com-a istinadən xəbər verir ki, mərhum azyaşlının anası və xalası Fəridin ölümündə təqsirləndirilən M.Xəlilovun narkotik istifadəçisi olduğunu iddia edib.
İdmançının sosial şəbəkə hesablarına nəzər saldıqda onun narkotik vasitələrlə bağlı paylaşımı diqqət çəkir.
O, səhifəsində “Nəşənin mənə ziyan olduğunu dedilər, güldüm və dedim ki, ziyan olsaydı, bu qədər güldürməzdi məni” paylaşımını edib.
Xatırladaq ki, hadisə H.Z.Tağıyev qəsəbəsində, 19 nömrəli məktəbin idman zalında baş verib. Avropa oyunlarının bürünc mükafatçısı, tanınmış samboçu Mehman Xəlilov məşq zamanı 7 yaşlı Fərid Bakarova qarşı təhlükəli fənd işlədib. Nəticədə azyaşlının boynu qırılıb. Azyaşlı Uşaq Xəstəxanasına çatdırılsa da, orada vəfat edib.
Həmin paylaşımı təqdim edirik:
Bizim.Media
