Röya çətin vəziyyətə düşüb: "Bunu edə bilməyəcəyəm" - VİDEO

Bir neçə gün əvvəl yıxılaraq ayağı zədələnən Xalq artisti Röya Ayxan başına gələn hadisə ilə bağlı açıqlama verib.

Bizim.Media xəbər verir ki, sənətçi sosial şəbəkə hesabında post paylaşaraq həkimlərim ona bir müddət dikdaban ayaqqabı geyinməyi qadağan etdiyini bildirib.

“Mən yıxılmışam, bir az ayağımı əzmişəm. Bir az desəm, yalan olar, möhkəm əzilib. Həkimlər dedilər ki, üstünə basmamalıyam, bir müddət altı düz ayaqqabıda gəzməliyəm. Səhnəyə çıxıram, eybi yox. Yıxılmaq videom da evdə hər kəsdə var. Dostlarım həmin videoya baxıb. Bir dostum deyir ki, sən nəvə-nəticə oynadan zamanındasan, belə hoppanıb-düşən vaxtındır?
Başa düşürəm ki, düz deyir. Həyatımda isə yaşım çox cavandır. Mən çox yaxşıyam, özünüzdən muğayat olun. Bir müddət dikdaban geyinə bilməyəcəyəm. Xəbəriniz olsun”, - deyə Röya vurğulayıb.

Rəşad Əliyev, Bizim.Media