Daha bir ölkə Qolodomoru soyqırım kimi tanıdı

İslandiya parlamenti martın 23-də 1932-1933-cü illərdə baş vermiş Qolodomoru ukraynalıların soyqırımı kimi tanıyıb. 

Bizim.Media Ukrayna KİV-nə istinadən xəbər verir ki, bu barədə İslandiyanın xarici işlər naziri Thordis Kolbrun Reykfyord Gilfadottir məlumat verib. 

Məlumata görə, 48 deputat qərarın lehinə səs verib. 

Ukrayna Prezidenti Volodimir Zelenski İslandiya parlamentinin bu qərarına görə, ölkə rəhbərliyinə təşəkkür edib və vurğulayıb ki, bu qərar belə cinayətlərin cəzasız qalmadığına bariz nümunədir. 

Qeyd edək ki, artıq bir sıra dövlətlər 1932-1933-cü illərin Qolodomorunu ukraynalıların soyqırımı kimi tanıyıblar. Qərara yeni qoşulan ölkələr arasında Belçika, Çexiya və Bolqarıstan da var. Bundan əlavə, Avropa Parlamenti də Qolodomoru Ukrayna xalqının soyqırımı kimi tanıyıb. 

Bizim.Media