Türkiyə Prezidenti Rəcəb Tayyib Ərdoğan Kahramanmaraş şəhərində zəlzələdən 11 gün sonra dağıntılar altından xilas edilən 17 yaşlı Aleyna Ölmezi ziyarət edib.
Bizim.Media “Haberturk”ə istinadən xəbər verir ki, Ərdoğanla yanaşı, xanımı Əminə Ərdoğan da Ankarada müalicəsi davam etdirilən gənc qıza baş çəkib.
Türkiyə Prezidenti və xanımı xəstəxanada müalicə alan digər yaralılarla da görüşüblər.
Qeyd edək ki, A.Ölmez xilas edildikdən sonra müalicə üçün Ankaraya gətirilib. Ərdoğan xilas olunduqdan sonra Aleyna ilə telefonla danışmışdı.
Bizim.Media
