“Dəfələrlə, o qədər çalışdım ki, bir tanış kimi dəstək olum, məsləhət verdim. Allah anası İradə xalaya rəhmət etsin, çox gözəl insan idi. Təranənin yaşanan belə problemlərinə görə çox əziyyət çəkirdi".
Bizim.Media xəbər verir ki, bu sözləri Vüsalə Əlizadə aparıcısı olduğu "7 canlı" axşam şousunda deyib.
V. Əlizadə prodüser Təranə Səmədovanın növbəti dəfə həbs olunma xəbərini canlı efirdə səsləndirdikdən sonra hadisədən təəssüfləndiyini bu sözlərlə ifadə edib: "Allah balalarını qorusun. Uşaqlar dövlət himayəsinə veriləcək, deyirlər. Çox təəssüf, Təranə... Həyatını yenidən, sıfırdan qura bilərdin, hər şeyi gözəl edə bilərdin. Allah qorusun, heç kim həyatdan sığortalanmayıb, amma... Allah qapısını açsın”.
Qeyd edək ki, T. Səmədova Cinayət Məcəlləsinin 182-ci (hədə-qorxu ilə tələb etmə) maddəsi ilə ittiham olunub.
Təranənin Suel və Adel adında iki qız övladı var.
Rəşad Əliyev, Bizim.Media
