Hazırda pilot kimi fəaliyyət göstərən “Best model of Azerbaijan 2004”ün qalibi İlqar Əliyev üç gün əvvəl Türkiyədə baş verən dəhşətli təbii fəlakət nəticəsində zərərçəkənlərə yardım aparıb.
Bizim.Media xəbər verir ki, bu haqda İlqar sosial şəbəkə hesabında məlumat verib.
İlqar toplanan yardımları Adananın havalimanına çatdırdığını yazıb:
“Bəli, ilk gündən can qardaşımız Türkiyənin yanındayıq. Necə deyərlər, dost dar gündə tanınar. Bacardığımız qədər yardım aparırıq. Adana hava limanına enər-enməz bizi xoş sözlərlə qarşıladılar. İkinci Qarabağ müharibəsindən sonra eyni şeylər də biz tərəfdən edilib. Yəni sevgimiz qarşılıqlıdır. Allah türkü qorusun. Bir millət iki dövlət. Bu səfərdə gördüklərimi lentə alıb sizinlə də bölüşmək qərarına gəldim”.
Rəşad Əliyev, Bizim.Media
