Azərbaycanın İrandakı səfirliyinə silahlı hücum olub.
Bizim.Media xəbər verir ki, hücum dəf edilərkən Azərbaycan hüquq-mühafizə orqanlarının səfirliyin mühafizəsinə cavabdeh olan əməkdaşı qəhrəmancasına həlak olub, iki nəfər isə yaralanıb.
Bildirilir ki, Azərbaycanın İrandakı səfirliyinin təhlükəsizlik xidmətinin rəhbəri Orxan Əsgərov hücumun dəf edilməsi zamanı dünyasını dəyişib.
Qeyd edək ki, Azərbaycan XİN baş verənlərlə bağlı ilk rəsmi məlumat yayıb. Məlumatda qeyd olunur ki, hücum edən şəxs "Kalaşnikov" markalı avtomat silahla mühafizə postunu yararaq, mühafizə xidmətinin rəisini qətlə yetirib.
Səfirliyin iki mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir. Hazırda bu xain hücum üzrə araşdırma gedir. Məsələnin təfərrüatı barədə ictimaiyyətə əlavə məlumat veriləcək.
Bziim.Media
