Səudiyyə Ərəbistanında şiddətli daşqınlar baş verib.
Bizim.Media xarici KİV-ə istinadən xəbər verir ki, Ciddə şəhərinə yağan güclü yağışdan sonra küçələr su altında qalıb.
Həmçinin nəqliyyatın hərəkəti iflic olub, güclü sel bir çox avtomobilləri aparıb.
Daşqın səbəbindən şəhərdə bütün məktəb və universitetlər bağlanıb. Ciddə Beynəlxalq Hava Limanı da pis hava şəraiti səbəbindən fəaliyyətini dayandırmaq məcburiyyətində qalıb.
Qeyd edək ki, daha əvvəl Avstraliyada güclü daşqın baş verib. Külək və yağış nəticəsində ölkənin şərqində on minlərlə insan işıqsız qalıb.
Bizim.Media
