Ukrayna Silahlı Qüvvələrinin Ali Baş Komandanı Valeri Zalujnı rus hərbçilərinin Xersonu tərk etdiyini təsdiqləməyib. O bildirib ki, Ukrayna son 24 saat ərzində 12 yaşayış məntəqəsinə nəzarəti bərpa edib.
Bizim.Media xəbər verir ki, bu barədə informasiyanı BBC telekanalı yayıb.
"Xersondan rusların geri çəkilməsi bizim fəal hərəkətlərimizin nəticəsidir. Ukrayna müdafiə qüvvələri birbaşa Xerson istiqamətində logistika yollarını və dəstək sistemini dağıdıb, düşmənin komanda və idarəetmə sistemini pozub. Beləliklə, düşmənə qaçmaqdan savayı çıxış yolu qoymayıblar”, – Valeri Zalujnı qeyd edib.
Ali Baş Komandanının sözlərinə görə, oktyabrın 1-dən Ukrayna Silahlı Qüvvələri düşmənin mövqelərinə doğru 36,5 km dərinlikdə irəliləyib. Bu zaman geri alınan ərazinin ümumi sahəsi 1381 kvadrat km.ə çatıb, 41 yaşayış məntəqəsinə nəzarət bərpa edilib.
Valeri Zalujnı vurğulayıb ki, indi o, rus qoşunlarının Xersondan çıxarılması barədə elan edilən məlumatı nə təsdiq, nə də təkzib edə bilər:
“Hələlik Ukrayna hərbçiləri qoşunların şəhərdən real çıxarılmasına dair heç bir əlamət görmürlər. Ukrayna Silahlı Qüvvələri öz planlarına uyğun olaraq hücumu davam etdirir”.
Bizim.Media
- A-
- A
- A+
Dünya
17:02 / 10.11.2022
Ukrayna daha 12 yaşayış məntəqəsini işğaldan azad etdi
Hazırda oxunan: Ukrayna daha 12 yaşayış məntəqəsini işğaldan azad etdi
Hazırda oxunan: Ukrayna daha 12 yaşayış məntəqəsini işğaldan azad etdi
103659
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
