Boks üzrə Azərbaycan çempionatında yarımfinalçılar müəyyənləşib - FOTO 

Kişi boksçular arasında Azərbaycan çempionatı davam edir. 38 komandanın iştirakı ilə Boks Mərkəzində təşkil olunun yarışda bu gün 1/4 final mərhələsinə start verilib.

Bizim.Media xəbər verir ki, bu barədə Azərbaycan Boks Federasiyasının məlumatında bildirilib.

Məlumata görə, baş tutan 20 döyüşün nəticəsinə əsasən, 5 çəki dərəcəsi üzrə yarımfinalçılar bəlli olub.

Qələbə qazanan boksçular bununla da özləri üçün ən azı bürünc medalı təmin ediblər.

Yığma üzvlərindən Ümid Rüstəmov, Maqsud Xasmetov, Nəbi İsgəndərov, Sərxan Əliyev, Mirşərif Kazımzadə və Eldar Quliyev 1/4 final mərhələsini uğurla adlayıblar.
Qeyd edək ki, bu mərhələnin döyüşlərinə sabah yekun vurulacaq. Görüşlər saat 14:00-da başlanacaq.

Bizim.Media