Bakı şəhəri, Binəqədi rayonunda betonqarışdıran avtomobil asfalt örtüyünə ziyan vurub.
Bizim.Media xəbər verir ki, sözügedən məsələ təhlükəsizlik kameraları və vətəndaşlar tərəfindən mobil telefon vasitəsilə qeydə alınıb.
Görüntülərdə "Baksol yolu" deyilən ərazidən keçən 77-XS-192 nömrə nişanlı betonqarışdıran maşından asfalt örtüyünə beton dağılması, sürücünün buna baxmayaraq, nəqliyyat vasitəsini saxlamaması əks olunub.
Vətəndaşların sözlərinə görə, bu hal baş verdikdən sonra asfalt örtüyü yararsız vəziyyətə düşür.
Sözügedən vəziyyət sakinlərin narazılığına səbəb olub. (Oxu.az)
Bizim.Media
