Tokio polisi yanvarın sonlarında törədilmiş quldurluq hadisəsi ilə bağlı yeddi nəfəri, o cümlədən yakuza üzvlərini həbs edib.
Bizim.Media xəbər verir ki, bu barədə Kyodo agentliyi məlumat yayıb.
İstintaqın məlumatına görə, hücum edənlər pul daşıyan şəxslərə gözyaşardıcı qaz püskürdərək təxminən 420 milyon yen (təxminən 2,7 milyon dollar) məbləğində nağd pul olan üç çamadanı ələ keçiriblər.
Bundan sonra onlar avtomobillə hadisə yerindən qaçıblar.
Polis onların Haneda hava limanında baş vermiş başqa bir quldurluq cəhdinə mümkün əlaqəsini də araşdırır.
Bizim.Media
