İsrail Müdafiə Ordusu İranın infrastrukturuna qarşı yeni genişmiqyaslı zərbələr dalğası barədə bildirib.
Bizim.Media xəbər verir ki, bu barədə ordunun mətbuat xidməti məlumat yayıb.
"İsrail Müdafiə Ordusu Tehranda və İsfahanda İranın infrastrukturuna qarşı genişmiqyaslı zərbələr seriyasına başlayıb", - məlumatda bildirilib.
Əməliyyatlar çərçivəsində SEPAH-ın əsas təhsil müəssisəsinə də zərbə endirilib.
Xatırladaq ki, 28 fevralda İsrail və ABŞ İrana qarşı əməliyyatlara start verib. Bu hücumlara cavab olaraq İran "Əsl vəd 4" əməliyyatına başlayıb. İranın raket hücumları təkcə İsraili və ABŞ bazalarını deyil, digər region ölkələrini, o cümlədən Azərbaycanı da əhatə edib.

Bizim.Media






























































































