Sosial şəbəkələrdə Baykal gölündə baş verən faciə ilə bağlı görüntülər yayılıb.
Bizim.Media xəbər verir ki, hadisə nəticəsində Çin vətəndaşları olan turistlər həlak olublar.
Məlumata görə, avtomobildə olan 9 nəfərdən yalnız biri sağ qalıb. Salondakı digər 8 nəfər, o cümlədən 14 yaşlı yeniyetmə həyatını itirib.
Fevralın 20-də turistlər “Üç Qardaş” burnuna ekskursiyaya yollanıblar. Sürücü buz örtüyündə yaranmış çatları görməyib, nəticədə avtomobil buzun altına düşərək sürətlə batıb.
Hadisə yerində suyun dərinliyinin 18 metrə çatdığı bildirilir.
Faktla bağlı cinayət işi başlanıb.
Bizim.Media




































































































