Azərbaycanda bu sahələrdə qapanmalar ola bilər – VİDEO

"Epidemioloji vəziyyət pisləşərsə, hər cür qadağanedici tədbirlər qəbul edilə bilər. Biz müəyyən qərarlar verərkən ayrı-ayrı ölkələrinin təcrübəsini də nəzərə alırıq".

Bizim.Media-nın məlumatına görə, bu sözləri "ARB24"də yayımlanan "Nə baş verir" verlişində qonaq olan tibb elmləri doktoru, professor Adil Qeybulla bildirib.

O əlavə edib ki, karantin rejiminin uzadılması göstərir ki, istənilən anda qaydalar sərtləşdirilə bilər. 

Adil Qeybulla qapanmaların təhsil sahəsində ola biləcəyini istisna etməyib. Mütəxəssis bunu orta və ali məktəblərdə şagirdlərin, tələbələrin maskadan düzgün istifadə etməməsi və sosial məsafəni gözləməməsi ilə əlaqələndirib.

"Virusa yoluxma sayı yüksələrsə, yenidən distant təhsil keçilə bilər. İri ticarət mərkəzlərinə girişin məhdudlaşdırılması və digər bənzər qərarların verilməsi istisna edilmir", - deyə Adil Qeybulla vurğulayıb.

Bizim.Media