BMT Baş Assambleyasında çıxışı zamanı ABŞ Prezidenti Co Bayden təşkilatı ABŞ ilə qarışdırıb.
Bizim.Media xəbər verir ki, bu haqda informasiyanı “Sky News” telekanalı yayıb.
"Amerika Birləşmiş Ştatları demokratik dəyərləri, azadlığı və bərabərliyi müdafiə edəcək. Mən bütün insanların universal hüquqlarına inanıram. Bu, millətimizin DNT-sindədir və ən əsası, bu təşkilata - ABŞ -a xasdır", amerikalı lider çıxışı zamanı deyib.
BMT-ni təsvir edərkən Bayden Amerika Birləşmiş Ştatlarını Birləşmiş Millətlər Təşkilatı ilə qarışdırıb.
Amerika prezidenti mütəmadi olaraq açıqlamalarında səhvlər edir. Belə ki, Əfqanıstandakı vəziyyətlə bağlı brifinqlərdən birində Bayden Amerika səlahiyyətlilərinin Kabildəki Taliban rəhbərliyi ilə, habelə Qətərin paytaxtı Daxoda bir heyətlə daimi əlaqə saxladığını söyləyib.
Daha sonra Ağ Ev prezidentin Dohanı nəzərdə tutduğunu aydınlaşdırıb. Həm də çıxışlarının birində Liviya və Suriyanı, digərində İraq və İranı, üçüncüsündə Barak Obama və Donald Trampı qarışdırıb.
Bizim.Media
Joe Biden confuses the United Nations with “the United States.” pic.twitter.com/NzUbWiylYQ
— RNC Research (@RNCResearch) September 21, 2021
