Şəfiqə Nağıyevanın sözləri efirdə dava saldı - VİDEO

"Elgizlə izlə" verilişində mübahisə düşüb.

Bizim.Media xəbər verir ki, proqrama qatılan Sevinc adlı qız qayınanasının ona işgəncə verdiyini deyib.

O bildirib ki, qayınanası "Yatırdım otaqda, girirdi evə. Hamilə olanda mənə deyirdi soyuducunu sil, iz qaldı, bir də təmizlə" sözlərini deyib.

Verilişdə yer alan vəkil Şəfiqə Nağıyeva qayınanaya haqq qazandıraraq "Hikkəlisən, ərköyünsən, iki oğulun bir bacısısan. Qayınanadır, nə olar? Oğulun otağına girirəm, təmizləyirəm. Orada nə var. Ailə üzvüyük. Nə olsun sənə deyir, evi təmizlə. Burada heç nə yoxdur. Gəlin də mənim qızımdır. Ona görə də indi bəziləri boşanır" sözləri ilə etiraz bildirib.

Onun fikirlərinə proqramda yer alan Əməkdar artist Kübra Əliyeva əsəbiləşib.

"Olmaz, cavan ailədir. Qayınana niyə girməlidir otağa? Ona deyir, buranı da yaxşı sil, barmaq izni qalıb. Bu nədir? Gəlini öyrətmək, başa salmaq lazımdır" deyə, cavab verib.

Aparıcı Elgiz Əkbər isə vəkilə "Olmaz, bu, qeyri-etikdir. Niyə gəlinin otağına girirsən? Sizi qayınana kimi təsəvvür edirəm" sözlərini söyləyib.

Sonradan bəlli olub ki, Sevincin həyat yoldaşı Ş.Nağıyevanı özünə əvvəlcədən vəkil tutub.

Bizim.Media