Ukrayna Müdafiə Qüvvələri Rusiyanın Bryansk vilayətində yerləşən dizel yanacağının magistral neft məhsulları kəmərləri vasitəsilə ötürülməsi ilə məşğul olan xətti-istehsalat stansiyasına zərbə endirib.
Bizim.Media xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
Hərbçilərin məlumatına görə, zərbə kompleks xarakter daşıyıb. Əməliyyatda raket qoşunları və artilleriya bölmələri, pilotsuz uçuş aparatları qüvvələri, Xüsusi Əməliyyat Qüvvələri, həmçinin Ukrayna Təhlükəsizlik Xidməti iştirak edib. Stansiyanın ərazisində yanğın baş verib.
Qeyd olunur ki, həmin stansiya Rusiyanın neft məhsulları kəmərləri vasitəsilə, o cümlədən Rusiya ordusunun tələbatı üçün yanacağın daşınmasını təmin edir.
Obyektin illik ötürücülük qabiliyyəti təxminən 10,5 milyon ton təşkil edir.
Bizim.Media
