“Düşünürəm ki, o (Putin - red.) müharibəni dayandırmaq istəyir. Onların böyük, güclü hərbi maşını var, bunu başa düşürsünüz. Hitlerə qalib gəldilər, Napoleonu da məğlub etdilər".
Bizim.Media xəbər verir ki, bunu ABŞ prezidenti Donald Tramp deyib.
"Onlar uzun müddət müharibə aparırlar. Bunu əvvəllər də ediblər. Amma düşünürəm ki, o, müharibəni dayandırmaq istərdi. Bu, mənim ona sualım idi, çünki davam etsə, bizim üçün böyük problem olacaq. Və bu, mənim üçün də böyük problem yaradacaq" deyə Ağ Evin sahibi əlavə edib.
ABŞ prezidentinin sözlərinə görə, Volodimir Zelenski də nizamlanma prosesində iştirak edəcək. Rusiyadan NATO-ya təhdidlə bağlı bəyanatlara cavab verən Tramp vurğulayıb:
“Mən bu fikirlərlə razı deyiləm”.
O, həmçinin Putinlə Səudiyyə Ərəbistanında “çox yaxında” görüşə biləcəyini deyib.
Bizim.Media
