Xalq artisti Aygün Kazımova və türkiyəli müğənni Sinan Akçil Bakıda konsert verəcək. Moderator.az-ın ANS PRESS-ə istinadən məlumatına görə, Nahid Emiloğlunun təşkilatçılığı ilə baş tutacaq konsert oktyabrın 16-da keçiriləcək.
Yerli telekanallardan birində qonaq olan müğənnilər
konsertdən ağız dolusu danışıblar.
Türkiyənin sevilən pop ifaçısı Sinan Akçil Azərbaycandan
çox konsert təklifi aldığını deyib:
“Konsert təklifləri çox gəlirdi. Nahid Emiloğlunun
dəvəti maraqlı idi, mən də razılaşdım”.
Aygün Kazımova isə Sinanın Bakıya gəlişində
Nahidin böyük rolu olduğunu bildirib: “Nahid Emiloğlu deyəndə ağıla ilk olaraq,
gözəl təşkilatçı, konsertlər gəlir. Sinanın Bakıya gəlişində də Nahidin əməyi
olub. Bizim konsertimiz çox gözəl alınacaq. Buna inanıram".
