Çeçenistanın başçısı Ramzan Kadırovun hökumətin iclasındakı çıxışlarını özündə əks etdirən videoçarxlar internetdə izlənmə rekordları qırır.
Özünəməxsus tərzi, emosional xarakteri ilə medianın diqqətini həmişə üzərində saxlayan Kadırov internetdə ən populyar rusiyalı siyasətçilərdən hesab olunur. Onu populyar edən nə savadı və intellekti, nə də bacarığı və xarizması deyil.
Amma insaf naminə qeyd edilməlidir ki, o xeyli sadə adam təsiri bağışlayır və bir vaxtlar Azərbaycanın baş naziri olmuş Surət Hüseynovun davranışlarını xatırladır, səmimi açıqlamalarıyla, ilginc etiraflarıyla, nazirlərə xəbərdarlıq tərziylə...
