"LEYDİ" layihəsi üçün NASA tərəfindən 280 milyon dollara yaxın vəsait xərclənib. Aparatın Aya tam bir ay ərzində çatacağı gözlənilir. "LEYDİ" orada saatda 150 kilometrədək sürətlə hərəkət edərək növbəti aylar ərzində toz qatı və atmosfer barədə lazımi məlumatları NASA laboratoriyalarına ötürəcək. Bunun üçün aparat lazer kommunikasiya texnologiyaları ilə təchiz olunub.
NASA əməliyyat direktoru, Cim Qrin: “"LEYDİ" ənənəvi radiovasitələr əvəzinə yerlə yüksək bağlantı yarada biləcək lazer texnologiyaları ilə təchiz edilib. Bu, bizə infraqırmızı şüaların yüksək sürətlə hərəkəti vasitəsi ilə bir saniyə ərzində 620 meqabayt həcmində məlumatı Aydan Yerdəki laboratoriyalara ötürmək imkanı verəcək”.
"LEYDİ" missiyası altı ay davam edəcək. Raket buraxılışı ənənəvi olaraq Kanaveral kosmodromunda gözlənilsə də, raketin daha uzaq məsafələrdə görünəcəyi səbəbi ilə raket buraxılışı Virciniy kosmodromuna keçirilib.
