Renka ÜSYAN ETDİ: "Boşanmışam, özümə “stop” qoymalıyam?" - FOTO

“Uşaqlarımın atası ilə o vaxt ayrılanda lap pis baxırdılar. Hətta bir il qızımdan gizli saxladıq. O, öz həyatını yaşadı, mən isə öz həyatımı. Həmişə demişəm, deyəcəm də. Çox sağol ki, belə gözəl balalar mənə verdin”.

Bizim.Media xəbər verir ki, bu sözləri “Renka” ləqəbi ilə məşhurlaşan ərəb rəqslərinin mahir ifaçısı Rəna Ağamuradova sosial şəbəkə hesabında yazıb.

Rəqqasənin sözlərinə görə, boşanmış qadının yenidən ailə qurması cəmiyyət tərəfindən müsbət qarşılanmır.

“Azərbaycanda dəhşətdir, boşandın bir uşaqla səni alan və sənə yiyə duran kimdir? Başa düşmədim, mənim özümə nə gəlib? Məgər o qədər zəifəm? 28 yaşında boşanmışam, demək artıq özümə “stop” qoymalıyam? Mən də qadınam, qayğı, nəvaziş, adi evdə divara mismar vurub xırda şeylərə mənə dəstək olmağını istəyirəm.

Deyirlər ki, yazıq oğlan boşanmış qız alıb, ailəsi ondan imtina edib, həyatı puç olub. Niyə axı biz xoşbəxt ola bilmirik? Burnumuzu başqasının həyatına soxmalıyıq?”. 
Qeyd edək ki, Rəna Ağamuradovanın Namiliya adlı bir qızı və Murad adlı bir oğlan övladı var. 

Rəşad Əliyev, Bizim.Media