“Kaşirskidəki “Veqas” ticarət mərkəzimizdən 20-30 kirayəçi çıxıb. Onlar pandemiyadan sonra ayağa qalxa bilməyiblər. İndi bu gün baş verən bütün hadisələrlə əlaqədar olaraq bu mağazaları saxlamağın mənası yoxdur. Çünki onsuz da onlar üçün sərfəli deyildi. Hələ də çıxmayan və müqaviləni pozmayan sahibkarlara gəlincə, onlar da hamımız kimi endirimlə icarə haqqını ödəməyə davam edirlər ki, brendlər ticarət mərkəzimizi tərk etməsin. Hər şey sanksiyaların nəticəsindən və ölkədəki statusdan asılıdır”.
Bizim.Media xəbər verir ki, bu sözləri Xalq artisti və iş adamı Emin Ağalarov “YouTube” da yayımlanan “Разборщик” verilişinə müsahibəsində deyib.
Sənətçi ticarət mərkəzini tərk edən sahibkarlar üçün cərimələrin tətbiq olmadığını söyləyib.
“"H&M", "ZARA", "Prada", "Chanel" markaları insanları cəlb edir. İnsanlar “ZARA” və “H&M” arasında gəzərək ticarət mərkəzinə gələndə, heç bir markası olmayan saç sancaqlarının satıldığı mağazaya da gedə bilərlər”.
Emin verilişdə bir ticarət mərkəzini tikmək üçün pulun miqdarını da açıqlayıb:
“Biz bu torpaqları almışıq. Onların hamısı Moskva vilayətinin ərazisində yerləşir. İlk Vegas demək olar ki, 400 min metrdir. Biz onu 400 milyon dollara tikmişik. O vaxtdan bütün dəyişikliklər üçün bu ticarət mərkəzinə daha 100 milyon dollar sərmayə qoyulub. Amma bu qiymət torpaqsızdır. Çünki torpağın başqa dəyəri var. Eyni ticarət mərkəzini indi tiksəniz, qiymət 30 faiz çox artacaq. Çünki tikinti materialları və işçi qüvvəsi bir neçə dəfə artıb”.
Xalq artisti Kaşirskidəki “Veqas” ticarət mərkəzinin gətirdiyi gəlirdən də söz açıb.
“Kaşirskidəki “Vegas”ın açılışının ilk ilində icarədən 100 milyon dollar və əməliyyatdan təxminən 10 milyon dollar topladıq. Keçən il hər üç “Vegas” təxminən eyni rəqəm gəliri əldə edib”.
Verilişdə ““Kaşirskidəki “Vegas”ı hansı məbləğə satarsınız” - sualına E.Ağalarov “Bu ticarət mərkəzinin sahibi atam Araz Ağalarovdur. Bu ticarət mərkəzini ora yatırdığımız pula satmağa hazıram. Məbləğ yarım milyard dollardır”, - deyə cavab verib.
Rəşad Əliyev, Bizim.Media
- A-
- A
- A+
Şoutaym
15:29 / 14.06.2022
Emin Moskvadakı “Veqas”dan DANIŞDI: “Yarım milyard dollara satmağa hazıram” – VİDEO
Hazırda oxunan: Emin Moskvadakı “Veqas”dan DANIŞDI: “Yarım milyard dollara satmağa hazıram” – VİDEO
Hazırda oxunan: Emin Moskvadakı “Veqas”dan DANIŞDI: “Yarım milyard dollara satmağa hazıram” – VİDEO
79221
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
