Müğənni Gülay Zeynallının "O aurada deyiləm ki, Hissin musiqilərini dinləyim" deməsi qarşı tərəfi qıcıqlandırıb.
Bizim.Media xəbər verir ki, "Hiss" ləqəbi ilə məşhurlaşan gənc ifaçı Röya Məmmədova "Şourum" maqazin verilişində Gülaydan qisasını alıb.
İfaçı atmaca dolu sözləri ilə həmkarını sancdıqca sancıb.
"Gülayın oxuduğu tərz mənim dinləcəyim tərz deyil. Hər kəs məni dinləyəcək məcburiyyətində deyil. Öz dinləyici kütləm özümə bəsdir. Məni dinləyən insanları görürəm və onlardan da həzz alıram".
Hiss Gülayı öncə sözləri ilə iynələsə də, sonra isə repertuarında yer alan mahnıya təriflər yağdırıb.
"Öz üzərində çalışan müğənnidir. Gözəl xanımdır. Gülayın bir mahnısı var. Onu da Tərlan Məmmədhüseynov yazıb. Adı da "Doya-doya" adlanır. Bu mahnını çox bəyənirəm. Hətta avtomobilimdə belə dinləyirəm. Tərlan yazıb deyə bu mahnını ona görə sevirəm".
Rəşad Əliyev, Bizim.Media
