"Sevil-Sevincin hansı müsiqisindən danışım ki?! Söhbət əsl musiqidən gedir".
Bizim.Media xəbər verir ki, bu sözləri müğənni Səidə Sultan "Şourum" maqazin verilişinə müsahibəsində deyib.
Sənətçi həmkarları Sevil-Sevinc Səfərova bacıları ilə üz-üzə gəlib, onları sünilikdə ittiham edib.
"Mən sünili sevmirəm. İndi çıxıb başlayacaqlar danışmağa. Onların süni olduğunu mən çox gözəl bilirəm. O sünilik mənə çatmır və məni sıxır".
Daha sonra S.Sultan həftələrdir aralarında qalmaqal yaşanan Əməkdar artist Elza Seyidcahana sərt mesajlar ünvanlayıb. Elzanın həftələr əvvəl Səidəni gündəmə musiqiləri ilə deyil, soyunmağı ilə gəldiyini və onu yazıq adlandırmasına qarşı tərəfdən sərt təpki gəlib.
Sultan Seyidcahanın bostanını sözləri ilə daş-qalaq edib.
"Yazıq onun özününkülərdir. Mənə yazıq sözünü yaraşdırmasın. Əlim, ayağım yerində, şikəst deyiləm. Mən niyə yazıq olum ki? Yazıq sözünü Elza özününkülərinə yaraşdırsın".
Rəşad Əliyev, Bizim.Media
