"Döyüşmək istəyirsiniz? O zaman Robert Koçaryanın uşaqları, Serj Sarqisyanın qardaşı oğulları müharibəyə getsin. Döyüşmək istəyirsiniz? Arşavir Qriqoryanın oğlu döyüşə getsin".
Bizim.Media xəbər verir ki, bu sözləri məşhur erməni bloger Roman Baqdasaryan sosial şəbəkə hesabında paylaşdığı videomüraciətdə deyib:
"Onların məmur ataları ucbatından bir nəfər də olsun ölmədi. Varlı adamlardan heç biri müharibəyə oğlunu göndərmədi. Yoxsul və kasıb ailələrin uşaqları daha müharibəyə getməyəcək. Bunu birdəfəlik ağlınıza yazın".
Bloger qondarma rejimin rəhbəri Arayik Arutyunyana da sərt ismarıclar göndərib:
"Xankəndinin zirzəmisində oturacaqsan, kasıb ailələrin uşaqları müharibəyə gedəcək? Artıq kifayət deyil? 34 ildir ki, kasıb ailələrin uşaqlarını öldürürük. Nə üçün? Bundan sonra belə olmayacaq. Robert Koçaryanın oğulları bizneslərindən "Artsax"a sərmayə qoyublar? Onlar həlak olanların ailələri üçün nə etdi? İzləyicilərdən yardım toplayan, yaralılara və ölənlərin ailələrinə kömək edən bizik".
Rəşad Əliyev, Bizim.Media
