"Dörd bacıyıq. Anam dünyasını dəyişdikdən sonra, qızım Gülər indi bilir ki, o (böyük bacısı) mənim bacımdır. Ona indi də "nənə" deyə müraciət edir. Bacım anam kimi bizim yanımızdadır".
Bizim.Media xəbər verir ki, bu sözləri bu gün doğum gününü "Zaur Günaydın" səhər şousunda qeyd edən Xalq Artisti Mələykə Əsədova deyib.
Böyük bacısından söz açan sənətçi, ailədə arzuolunmaz övlad olduğunu söyləyib:
"Qardaşım yoxdur. Mən dünyaya gəldim, arxamca anamın bir oğlan övladı oldu, amma dünyasını dəyişdi. Kiçik yaşlarında vəfat etdi. Amma ailəmizə oğul kimi mən gəldim. Mən arzuolunmaz övlad olmuşam. Valideyinlərim gözləyirdilər ki, oğlan övladı olsun, amma qız övladı oldu".
Rəşad Əliyev, Bizim.Media
