Faiq Ağayev: “Mənim kəbinli arvadım var” - VİDEO

Xalq artisti Faiq Ağayev açıqlaması ilə diqqət çəkib.

Bizim.Media xəbər verir ki, “Gün ortası” verilişində qonaq olan sənətçi ailə qurmamasının səbəbini açıqlayıb.

O, bunun sənəti ilə əlaqəli olduğunu deyib: “Mənim kəbinli arvadım var, o, mənim sənətimdir. Hamıdan çox qısqancdır, tələbkardır, hamıdan çox mənə sığal çəkir və dəstək verir.

Həyat “kopya” deyil ki, hamıda eyni cür olsun. Bizim həyatımız valideynlərimizin həyatına bənzəmir, bizim övladlarımızın da həyatları bizimkilərə oxşamır. Sənətim elə tələbkar həyat yoldaşıdır ki, evlənmək üçün gərək onunla boşanım. Onu da etmək istəmirəm, sənətimi çox sevirəm.

Sənətimdə tam oluram, Faiq Ağayev oluram. Tək qalmağa məqam tapmıram. Ancaq başımı yastığa qoyanda tək oluram. Qalan vaxtlarda ya işçilərimlə oluram, ya da anamla”.


Sara, Bizim.Media