Xalq artisti Tünzalə Ağayeva növbəti layihəsini sevənlərinin ixtiyarına verib.
Bizim.Media xəbər verir ki, pop ulduz bu dəfə bəstəkar, pianoçu, aranjımançı Bəbir Bəbirli ilə bir araya gəlib.
Sənətçilər ölməz bəstəkar Ramiz Mirişlinin repertuarına müraciət ediblər. Onlar “Səadət” mahnısını ifa ediblər. Yeni duet artıq bütün musiqi platformalarında və Xalq artisti Tünzalə Ağayevanın şəxsi “Youtube” kanalında yayımlanıb.
Qeyd edək ki, mahnının sözləri böyük şair Rəfiq Zəka Xəndan, aranjımanı isə Bəbir Bəbirliyə məxsusdur. Miks və masterinqi Emin Karim edib.
Bizim.Media
