Alla Puqaçovanın yaxtadakı VİDEOSU müzakirə yaratdı

Rusiyanın Xalq artisti Alla Puqaçova yazın gəlişini qeyd etmək üçün ziyafət təşkil edib. 

Bizim.Media xəbər verir ki, yumorist əri Maksim Qalkin ilə xaricdə yaşayan estrada ulduzu yaxın dostlarını və həmkarlarını başına toplayıb. 

Puqaçova bu dəfə gecəni qalada deyil, yaxtada təşkil edib. Eyni zamanda, o, düşmənlərinə salamlarını çatdırıb və pərəstişkarlarını onun üçün narahat olmamağa çağırıb. Video sosial şəbəkədə geniş müzakirə olunub. Bəzi istifadəçilər yaxtada fonda Ukrayna mahnısının səsləndiyini eşidiblər, digərləri isə Puqaçovanın görünüşünə diqqət çəkib və süni gellərdən çox istifadə etdiyinə görə üzündəki təbiilikdən əsər-əlamət qalmadığı üçün onu yenidən qınayıblar. 

Xatırladaq ki, bundan əvvəl Puqaçovanın 16 il ərzində köhnə mahnılarından ibarət ilk albomu işıq üzü görüb. Qeyd edək ki, Alla Puqaçova 2023-cü ildən Rusiya hökumətinə qarşı açıq şəkildə çıxış edib və Rusiya hərbi qüvvələrinin Ukraynada xüsusi əməliyyatı başlayandan xaricə köçüb.

Müğənni şəxsi məsələlərini həll etmək və ehtimal ki, yeni albom yazmaq üçün bir neçə dəfə Rusiyaya qayıdıb. Bütün bunlara görə Rusiya Federasiyasında Puqaçova bəzən tənqid olunur. Onun saxlanılması və cəzalandırılması tələb edilir. Məsələn, Rusiyadakı əmlakından və mükafatlarından məhrum edilməsi gündəmə gətirilir. Eyni zamanda, Kreml Puqaçovanın hərəkətlərində qeyri-qanuni heç nə görmür. Rusiya prezidentinin mətbuat katibi Dmitri Peskov iddia edib ki, nə qədər lazımdırsa, o, ölkəyə gəlib gedə bilər.