Əməkdar artist Sevda Əliqızı gənc həmkarlarını tənqid edib.
Bizim.Media xəbər verir ki, sənətçi qonaq olduğu “7 tamam” verilişində bildirib ki, gənc ifaçılar sənətkarlarla bir məclisdə olanda özlərini yuxarıdan aparıb, onlara salam vermirlər.
“İndiki gənc ifaçılar yaşlı nəslin sənət adamlarına hörmətsizlik edirlər. Çox istərdim ki, gənc ifaçılar yaşlı nəslin sənətkarlarına Allahın salamını versinlər. Bu məqamlar da olur. Təbii ki, bunu hamıya şamil etmirəm. İçlərində yaxşıları da var. Bəziləri 2-3 dəfə efirə çıxan kimi burunlarını dik tuturlar. Dik tutmayın, siz də yaşa dolacaqsınız, siz də gəlib bizim zamanımıza çatacaqsınız və sizdən sonra gələnlər sizə qarşı eyni addım atacaqlar”, - deyə Sevda vurğulayıb.
Rəşad Əliyev, Bizim.Media
