Xəbər verdiyimiz kimi, ötən gecə Moskvadan Bakıya gələrkən Domodedovo hava limanında saxlanılan fitnes məşqçi Kamil Zeynallı azadlığa çıxaraq Vətənə geri qayıdıb.
Bizim.Media xəbər verir ki, Kamil hava limanından birbaşa yaşadığı evə yollanıb və orada anası Sahilə xanımla görüşüb.
Həmin anlar "Rəngarəng səhər" verilişinin efirində yayımlanıb. Kamil həyat yoldaşı müğənni Gülay Zeynallı ilə tez-tez telefonda danışdığını bildirib:
"Gülay xanıma deyirdim ki, qızım və anam sənə əmanət". Zeynallı, həmçinin qızı Sahilə ilə telefon vasitəsi ilə əlaqə saxlayıb. Övladının səsini eşidən Kamil kövrəlib.
Rəşad Əliyev, Bizim.Media
