Təranə: “60 yaşım olsun, nəinki oxumaq, heç efirə də çıxmayacağam” - VİDEO

“60 yaşım olsun, nəinki oxumaq, heç efirə də çıxmayacağam. Bu çıxışımı saxlayın. Mən 60 yaşımda oxusam, o vaxt deyərsiniz ki bəs nə oldu belə demişdin. Mən oxumayacağam. Bunu uşaqlarıma da demişəm”. 

Bizim.Media xəbər verir ki, bu sözləri müğənni Təranə Qumral qonaq olduğu “Tarixin bir günü” verilişində deyib. 

Sənətçi bildirib ki, səhnə gözəlliyi və gəncliyi sevir:  

“Səhnə gözəllik tələb edir. Üz qırış-qırış, “şıntır-şıntır” efirə çıxmaq fikrimcə düzgün deyil. Sənət adamı üçün eybəcər görsənmək olmaz. İnsanın üzündəki qırışı düzəltmək olar amma ruhu yox. Heç bir insanın ruhu getməsin bədənindən. Bəzi müğənnilər var ki, onlar şou proqramlarda ruhsuz gəlib çıxış edirlər. Onlarla o qədər üzləşirəm ki,... O səni heç seçə bilmir ki, “salam” versin. Mən şəxsən görürəm ki, o mənə baxır, amma səni tanımır ki, “salam” versin. Yaxınlaşandan sonra deyir ki, səni tanımadım”.