Bu ilin sentyabrında özünə dəm-dəsgahlı toy edən müğənni Səidə Sultan açıqlaması ilə diqqət çəkib.
Bizim.Media xəbər verir ki, sənətçi qonaq olduğu “Tarixin bir günü” verilişində övlad sahibi olmaq istəmədiyini bildirib.
“Mənlik olsaydı, toy etməzdim, anama, bacılarıma görə etdim. Neynirəm toyu, nəyimə lazımdır? Uşaq istəmirəm, gecdir. Bu, böyük məsuliyyətdir, qorxuram. İtdən-pişikdən saxlayacağam, nə olacaq ki? Kiçik bacım 3-4 gündən bir mənə körpə şəkilləri göndərir. Deyirəm ki, mən uşaq istəmirəm. Əgər ürəyin uşaq istəyirsə, get özün doğ. Mənə uşaq lazım deyil”, - deyə Səidə vurğulayıb.
Rəşad Əliyev, Bizim.Media
