"Həyatda ən acığım gələn insanlar hamıdan özünü ağıllı bilənlərdir. Belə insanları heç sevmirəm. Onlardan adama xeyir gəlməz. Elnarə ilə münasibətimiz "W-trio" qrupuna görə olub. Dərin dostluğumuz olmayıb. Amma həmişə hörmət saxlamışam".
Bizim.Media xəbər verir ki, bu sözləri müğənni Səidə Sultan qonaq olduğu "Tarixin bir günü" verilişində deyib.
Sənətçi həmkarı Elnarə Xəlilova ilə küsülü olmasının səbəblərindən söz açıb. Səidə Elnarəni zövqsüz adlandırıb:
"Soyuq münasibət illərdir aramızda davam edir. Əslində birinci mən ona sataşmışam. 15 il əvvəl zövqlə bağlı mənə sual veriləndə demişəm ki, Elnarənin zövqü yoxdur. O vaxt elə demişdim. Əslində indi də yoxdur. Olanı demişəm. Həmin vaxtdan mənimlə düşmən olub. Düzdür, Elnarədən adama düşmən çıxmaz, ayıb olar. Özünü ağıllı hesab edir və ona görə də elə danışır".
Rəşad Əliyev, Bizim.Media
